Cu stu fattu c'acciui tutti semu accutturati ( u ciù tintu arriva a diplomarisi - a 35 anni, ma su pigghia su pezzu ri catta) e cu stu fattu ca acciui macari cani e porci usamu u compiutiri, stamu piddennu chiddu ca è lu funnamento ri la nostra storia: la lingua, lu parrari a la caccarara aulisa. Ni stamu civilizzannu troppu (civilizzannu! ma se ieni chista a civiltati semu pessi ntunnu). Li paroli ca semu cumminti ri essiri in dialettu inveci i sturpiamu cu na carenza italiana. Fazzu occu esempiu: tutti ricemu "a patedda" ma a verità è ca a vissima ciamari "sattania"; oppuru: "ma', ma fai na tazzina i cafè", inveci avissima diri "ma', ma fai na cichiriccia i cafè".
Cu st'andazzu iemu a finiri ca parramu tutti co' lì e là. Ca poi, parramini ciaru, tutti chiddi sa si spacchiunu a parrari cu dda annacatedda cuntinintali mi parunu ntoccu i finucceddi... e veru o no? Ma parrati comu v'attocca ca ci faciti ciù fiura!!!
Eccu pichhì agghiu vulutu criari sta stanzicedda, lassatimilla ciamari accussì, unni è ntunnamenti vietatu parrari in italianu. Mai sia.
E tanti iautri cusuzzi biddicci e sparagghiati ca iennu iennu priuncemu.
Chi ni pinzati?
Facitimi sapiri e frequentati stu circulu ca n'arricriamu.
3 commenti:
Sanbinirica masciu.
I toi su paroli santi e manzi. Ma comu stamu iennu a perdiri i nostri radici picchì quasi tutti stanu accuminciannu a parrari co lì e co là. Nun si rendunu cuntu propria ri quantu vali u nostru dialettu aulisi, l'origini ca forsi ficiru macari a gluriusa Ibla Major. Ma u sai chi ti ricu? Se almenu a lingua italiana a parrassiru co versu... ma nun cià farinu e mpastizzunu menzu munnu, nfilannici paroli 'nfrancisati o 'nglisi. Purtamu avanti cu onori u nostru dialettu.
troppu spacchiusu stu testu.
bravu me cumpari!
Bella sta cosa, mi piaci....
Posta un commento