sabato 16 agosto 2008

Cantileni

Se c'è na cosa ra caccarara nostra ca stamu pirdennu iennu iennu, è tramannari li cantileni ca li gnuppattri mparainu a li niputi: "Me nanna cariu ro' lettu...", "Rumani è duminica...", "Putiputè...", eccettra eccettra.



Ncuminciu ora iu a mettiri a prima, poi lassu a voi pi tutti l'auttri, viremu se c'è ancora occarunu ca si ni rivodda.





ME NANNA CARIU RO LETTU

S'AMMACCAU TUTTU LU PETTU

A PUTTAMMU O LAZZARETTU

U LAZZARETTU ERA CIUSU

A NFILAMMU NTA MPITTUSU

U PITTUSU ERA TABBACCU

CINNANNA' CHI FETU CA FA!!!



Va riuddati?!

6 commenti:

Anonimo ha detto...

rumani unni a puotti l'acqua? u sai cu sugnu......

Patrunali ha detto...

Ma comu ti facisti ncagghiari subbutu!!!! Sta scrivennu ri anonimu e ti tirasti a zappa ne peri... "unni a puotti..." . Ahouuuu, ca aulisi semu, si rici "unni a potti"!

Patrunali ha detto...

Cettu, me frati, u fazzu subbutu.
Trasi ogni tantu lassa occu messaggiu macari tu!

Anonimo ha detto...

mbare signiti chista

dumani è duminica
ci tagghiamu a testa a minica
e minica nun ce
ci tagghiamu a testa o re
u re e malatu ci tagghiamu a testa o suddatu
u suddatu e in guerra
ni 'ntappamu che natici n'derra

Anonimo ha detto...

o ca ci ne n'autra

me nanna cuciu u risu
a mia nun mi ni resi
sta pezz'i tuttpu tisu
chi collera ca mi resi
mi resi n'suddiceddu
p'accattarimi u scicareddu
arrivamu a palazzolu sciddica u peri e cari to soru
arrivamu ammenzu a via sciddica u peri e cari to zia

Anonimo ha detto...

l'ultima e bonu.......

era chista era na samma
tirittoppete na uccalamma